![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O numero masico u numero de masa representa en quimica o numero de nucleons d'un nuclio atomico, ye decir a suma d'os protons y d'os neutrons presents en o nuclio atomico. Se simboliza con a letra mayúscla A. Si se representa un nuclio atomico se mete en a parti superior dreita d'o simbolo d'o elemento quimico y en a parti inferior dreita se i mete o numero atomico, Z, u numero de protons. Por eixemplo 126C indica que iste nuclio ye de carbonio, que tién 6 protons y 12 nucleons.
Ta saber o numero de neutrons que tien un atomo restaremos a o numero masico o numero atomico:
Numero de neutrons (N) = Numero masico (A) - Numero atomico (Z)
A=Z+N
O numero masico ye l'indicativo d'os distintos isotopos d'un elemento quimico. Ya que o numero de protons ye identico ta toz os atomos d'un mesmo elemento quimico, nomás o numero masico, que leva implicito o numero de neutrons en o nuclio atomico, indica de que isotopo de l'elemento se tracta.